طير ووحده في السما .. هو انا !

طير ووحده في السما .. هو انا !
عايش حياتى مختلف وبعترف
ان الثوانى في وحدتى مليون سنه
لكن انا راضي ببعادي وعندي عادي اكون لوحدي
مادمت هبعد عن عناد الناس وسوء فهمهم
ورغم بعدي ووحدتى انا منهم !

راضى انى اعيش جوا جوف الليل وحيد
ولا انى اعيش في دنيا فيها العبد سيد

_انا مش شريد_
_ومش لوحدي _

في وحدتى عالم جميل بيشدنى من وسط ناس بتهدنى
انا فيه بعيش ولا اى حاجه تهمنى
الاقي سحابه تلمنى ونجمه حلوه تبصلي
اسرح معها .. وافتكر
ضحكه صبا وشيبه شعر من هم روحي اتكونت
لهفه لقي وحياه جميله بحلم عمري اتلونت

احلام كتيره بكل شوق
وخدانى وحدي لدنيا فوق
دنيا غريبه متتفهمش من هنا
لو عيشتوا فيها هتفهمونى وتعرفوا
"مين انا " !
A.E